Ақтөбеде Toyota Land Cruiser жолдан шығып кетіп, аударылды. Салдарынан жүргізуші қаза тапты, – деп хабарлайды Tengrinews.kz тілшісі.
Жол апаты 13 тамызда сағат 17.20-да Покровка-Жаңажол тасжолында болды.
Ақтөбеден Темір ауданының Кеңқияқ кентіне қарай бағыт алған Toyota Land Cruiser автокөлігінің 45 жастағы жүргізушісі Темір қаласының маңындағы Покровка-Жаңажол жергілікті маңызы бар автожолының 21-шақырымында көлігін басқара алмай, оң жаққа аударылғаны анықталды.
Апат салдарынан
көлік жүргізушісі оқиға орнында көз жұмды, ал 46 жастағы жолаушы Кеңқияқ ауылдық ауруханасына жатқызылды.
ҚР ҚК 345-бабы, 3-бөлігі "Абайсызда адам өліміне әкеп соққан жолда жүру ережесін бұзу" бойынша тергеу жүріп жатыр.