Өскемен қаласында жоғалып кеткен 15 жастағы бозбала табылды.
Қалалық Полиция басқармасы баспасөз қызметінің мәліметінше, 14 тамызда полицияға хабарласқан әйел ұлының жоғалып кеткенін жеткізді.
Оның айтуынша, осыдан 2 күн бұрын үйден шығып кеткен баласы сол күйі қайтып оралмаған.
«Полиция қызметкерлері бірден жедел-іздестіру шараларына кірісті. Соның нәтижесінде, 15 жастағы бала 4 сағаттың ішінде табылды. Ол 2 күн бойы досының үйінде жатқан», – деп хабарлады ведомство өкілдері.
Қазіргі уақытта тәртіп сақшылары баланың не себепті үйден кетіп қалғанын анықтап жатыр.
