Парламент Мәжілісінің депутаттары – «Nur Otan» партиясы фракциясының мүшелері Гүлнар Бижанова, Шамиль Осин және Тілектес Адамбеков жұмыс сапарлары аясында «Арселор Миттал Теміртау» КД «Восточная» ОБФ еңбек ұжымымен кездесті.
Кәсіпорынның негізгі шығаратын өнімі – халықаралық сапа стандартына сәйкес келетін көмір концентраты. Кәсіпорынның жобалық қуаты-жылына 5 млн тонна көмір, ал қызметкерлер саны – 500-ге жуық. Кездесу барысында Мәжіліс депутаттары ОБФ жұмысымен танысып, басшылықпен және қызметкерлермен проблемалық мәселелерді талқылады. Пандемия салдарына байланысты өткен жылы Көмір концентратын өндіру 86%-ға дейін төмендеп, 1 200 мың тонна болған. Енді жыл соңына дейін 3,2%-ға немесе 2600,0 мың тоннаға ұлғайту жоспарланып отыр. Сондай-ақ мұнда технологиялық процесті жетілдіруге, байыту технологиясының тиімділігін арттыруға, шахталардың қатардағы көмірлерін қайта өңдеу кезінде шығындарды азайтуға және жарамды өнімнің шығуын арттыруға бағытталған инвестициялық жобаларды іске асыру қарқынды жалғасып жатыр. Кездесу барысында Гүлнар Бижанова «Арселор Миттал Теміртау» өндірістік кәсіпорнында ең озық қолжетімді технологияларға көшу бойынша жаңа экологиялық кодекс талаптарының орындалуы, Мәжілісте қабылданған басқа да заң жобалары туралы, жалпы жергілікті халықты толғандырған мәселелер бойынша сөз сөйлеп, «Nur Otan» партиясының сайлаушыларға берген уәделерінің орындалуы бойынша пікір алмасты.Ж.НҰРЛАН