Шымкент қаласында Салықты бақылау бөлімінің басшысы алаяқтық әрекеті үшін сотталды. Бұл туралы қалалық Полиция департаменті хабарлады.
Ол әріптесіне “соңына сыбайлас жемқорлыққа қарсы қызмет өкілдері түсті” деп алдап, 5 млн теңге берсе, мәселені дер кезінде шешіп беретінін айтқан.
Дегенмен әріптесі бірден жемқорлықпен күрес қызметіне хабарласып, мән-жайды түсіндіреді. Осыған байланысты әл-Фараби аудандық соты мемлекеттік қызметкерге қатысты үкім шығарды. Сотта прокурорлар алаяқтық әрекет жасаған бөлім басшысын 6 жыл 6 айға бас бостандығынан айыруды сұрағанымен, сот оған 150 млн теңге айыппұл салды.
Сонымен қатар айыпталушы бұл соманы 3 ай көлемінде өтеуге тиіс. Енді ол өмір бойы мемлекеттік органдарда жұмыс істей алмайды.