Алматыда қызмет бабында қаза тапқан полицейлерге ескерткіш орнатылды.
Әуезов аудандық ПД-да қойылған ескерткішті тәртіп сақшылары қызмет бабында қаза тапқан әріптестеріне арнады, – деп хабарлайды Polisia.kz. Ашылу салтанатына Алматы қалалық Полиция департаментінің басшылығы, ардагерлер, полиция қызметкерлері, сондай-ақ Халық қаһарманы Ғазиз Байтасовтың жары қатысты.
"Тәуелсіздік жылдарында Алматы полициясының 70 қызметкері қызметтік міндеттерін орындау барысында қаза тапты, олардың 32-сі қылмыспен бітіспес күресте. Бесеуі Әуезов аудандық Полиция басқармасында қызмет етті. Олардың адалдығы мен ерлігі тарихта қалады, барлық уақытта заңдылық пен тәртіпті қамтамасыз етуде үлгілі қызмет көрсетудің үлгісі болады және ұрпақтан-ұрпаққа мұра болып қалады. Батырлардың есімі біздің жүрегімізде және жадымызда мәңгі сақталады", – деді Алматы қалалық Полиция департаментінің бастығы Қанат Таймерденов.
Сонымен қатар ПД басшысы дәстүрлі мереке қарсаңында ерлікпен қаза тапқан полиция қызметкері Мақсат Дабыловтың отбасына барды, ол 2011 жылдың қарашасында қылмыскерлер-деструктивті діни ағым ұстанушыларының заңсыз әрекеттерін тоқтату кезінде қаза тапты.
Фото: polisia.kz