Air Astana 2021 жылдың 2 қыркүйегі мен 16 қыркүйегі аралығында IATA Travel Pass қосымшасын Нұр-Сұлтан-Стамбұл-Нұр-Сұлтан халықаралық бағытында тестілеуден өткізеді.
IATA Travel Pass мобильді қосымшасы Халықаралық әуе көлігі қауымдастығымен (IATA) жолаушылардың ПТР-тесті мен вакцинация туралы ақпаратын шет елдердің санитарлық талаптарымен біріктіру үшін жасалған. Қосымша сонымен қатар ПТР-тестін алуға арналған сертификатталған зертханалардың жаңартылған тізіміне қол жеткізуге мүмкіндік береді. «IATA Travel Pass эпидемиологиялық шектеулер кезінде халықаралық рейстерді ерте жандандыруға көмектеседі», – деді Air Astana әуекомпаниясының жердегі қызмет жөніндегі вице-президенті Александр Небога. «Қосымша халықаралық рейстерді ұйымдастыруды оңтайландырады, жолаушыларға ұшатын елдің талаптарын тез білуге мүмкіндік береді, жолаушылардың әуежай қызметкерлерімен байланысын азайтады, жалған ПТР-тесті мен вакцинация сертификаттарының жағдайларын жояды». Air Astana-мен бірге әлемнің 70-тен астам әуекомпаниясы халықаралық бағыттарда IATA Travel Pass қосымшаларын тестілеп жатыр.