Қапшағай қаласының полициясына 21 жастағы тұрғыннан арыз түскен. Ол «полицеймін» деп таныстырған ер адамның сенімге кіріп, өзінен ақша алғанын хабарлаған.
Бірақ қаражатты қайтармағандықтан, полицияға арыздануына тура келіпті. Жедел іздестіру кезінде 23 жастағы күдікті ұсталды. Қазір оның үстінен Қылмыстық кодекстің 190-бабы 1-бөлігі, яғни «Алаяқтық» бойынша қылмыстық іс қозғалып, тергеу жүріп жатыр. Тәртіп сақшылары оның не себепті өзін полицеймін деп таныстырып, қандай мақсатпен ақша алғанын, сонымен қатар өзге қылмыстарға қатысы бар-жоғын анықтап жатыр. Департамент ұсталған адамның полиция қызметкері емес екенін және оның бұл жұмысқа мүлдем қатысы жоғын мәлімдеді. «Тергеу барысында анықталғандай күдікті жәбірленушінің сеніміне кіріп, 737 мың теңге ақшасын иемденіп алғаны анықталды. Жәбірленуші дер кезінде полицияға шағымданғандықтан, күдікті дер кезінде ұсталды», – дейді ведомствоның баспасөз қызметі.Айбике ЖАНАСЫЛ