Бүгін футболдан UEFA Конференция лигасы топтық кезеңінің бірінші турында алматылық «Қайрат» алғашқы ойынын Кипрдің «Омония» командасына қарсы өткізді. Командалардың негізгі құрамы: «Қайрат»: Покатилов, Миканович, Баняк, Дугалич, Әліп, Оганесян, Поляков, Альвес, Косович, Канте, Вагнер Лав; «Омония»: Фабиано, Лечиакс, Панайоту, Юсте, Лонг, Псалтис, Джорди Гомес, Баширу, Атиевмен, Папулис, Какулли. Бүгінгі ойында екі команда да жеңіске жету жолын іздеді. Дегенмен "Қайрат" топтағы ең әлсіз команда деп саналған "Омонияны" жеңе алмады. Кездесу 0:0 есебімен тең аяқталды. Енді «Қайрат» келесі кезекте 30 қыркүйекте Швейцарияның «Базель» командасымен шеберлік байқасады.