Биыл 570 жемқор сотталды

жемқор

Биыл жыл басынан бері сыбайлас  жемқорлық қылмысы дәлелденген  570 адам сотталған. Ал сотқа жіберілген істер саны 772 екен. Бұл істерді Сыбайлас жемқорлыққа қарсы қыз­мет сотқа жолдапты. 

Сыбайлас жемқорлыққа қар­сы іс-қимыл агенттігінің аса маңызды істер бойынша тергеушісі Данияр Бегайдаровтың айтуына қарағанда жемқорлыққа қарсы қызмет  мамандары 2021 жылдың қаңтар-қыркүйек айлары аралығында  1 038 істі тергеген. Сөй­тіп олардың 772-сін сотқа жол­дапты. Осынау қылмыстық істер бойынша 135 лауазымды тұл­ға ұсталса, 122 адамға «күзетпен ұстау» және 29 адамға «үйқамақ»  шаралары қолданылыпты. Ал сотталған 570 адамның 138-і пара ал­ғаны, 237-сі пара берген, 12 адам делдалдығы үшін істі болыпты. Олардан бөлек 78 адам алаяқ­тығы, 42 адам  ұрлығы үшін қа­малған. Тағы 42 адам өзінің қыз­меттік өкілеттілігін теріс пай­да­ланған көрінеді. 11 адам  билікті немесе лауазымдық өкілеттілігін асыра пайдаланыпты. «Бас бос­тандығынан айыруға – 172 адам, бас бостандығын шектеуге –
56 (қалғандары шартты мерзімге және жазасын өтеуді кейінге қал­дыра отырып – 8), пара сомасынан бірнеше еселенген айыппұл­дарға 330 адам тартылды. Айып­пұл­дардың жалпы сомасы шамамен 1,9 млрд теңге болды», – деді Данияр Бегайдаров.

А.СҰЛТАН

 

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.