Ғ.Мұратбаев атындағы орталық стадионның қосалқы алаңында базар мен сауда орындарында жұмыс істейтін, NEET санатындағы және өзін-өзі жұмыспен қамтыған жұмысшы жастар арасында облыстық «Дүйсенбілік футбол» турнирі өтті. Аталған іс-шара Қызылорда облыстық Дене шынықтыру және спорт басқармасының қолдауымен, «Jas Otan» Жастар қанаты Қызылорда облыстық филиалының ұйымдастыруымен жүзеге асырылды.
Тәуелсіздіктің 30 жылдығына орай «Кеңес орталығы» жобасы аясында ұйымдастырылған турнирдің мақсаты – өзін-өзі жұмыспен қамтыған және NEET санатындағы жастарды топтастыра отырып, салауатты ұлт қалыптастыру және түрлі сала мамандарының кеңесі арқылы бағыт-бағдар беру. – Турнир басталар тұста «Отбасы банк» Тұрғын үй жинақ банкі» АҚ Қызылорда облыстық филиалы, «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалы, облыстық кәсіпкерлер палатасы, қалалық жұмыспен қамту, әлеуметтік бағдарламалар және азаматтық хал актілерін тіркеу бөлімінің қызметкерлері ойын қатысушыларына түсіндірме жұмыстарын жүргізді. «Дүйсенбілік футбол» турнирінің хабарландыруы әлеуметтік желіге жарияланған сәттен бастап өтінім білдірген командалар көп болды. «Мечта», «Смарт shop», «Радуга-1» сауда үйлері, «Жарық үйі», «Сыбаға-1» базарларының жастары, сондай-ақ Сырдария, Қазалы аудандарынан өзін-өзі жұмыспен қамтыған жастар да қатысуға ниет білдірді. Облыстық турнирде 14 команда бақ сынады. Бүгінгі финалдық турнирде үздіктерін анықтайтын боламыз, – деді «Jas Otan» Жастар қанаты облыстық филиалының төрағасы М.Жорабек. Марапаттау рәсімінде «Nur Otan» партиясы ҚОФ «Саяси жұмыстар» бөлімінің басшысы Г.Бақытжанқызы, «Абзал и К» ТС директоры М.Ералиев, Biali спорт дүкенінің директоры А.Шәукенбаев сөз сөйлеп, жеңімпаздарға қаржылай сертификаттарын табыс етті. Екі аптаға созылатын «Дүйсенбілік футбол» турнирінің қорытындысы бойынша жүлделі І орынға «Ағайын» командасы, ІІ орынға «Абзал и К», ІІІ орынға «Сыбаға-2» командасы ие болды. Сондай-ақ «Үздік ойыншы», «Үздік қақпашы, «Үздік шабуылшы» номинациясы бойынша үздік ойыншыларға арнайы кубок пен мадақтама қағаздарымен марапатталды. Айта кетейік, жүлде қоры – 600 000 теңге. Аталған іс-шараның сапалы өтуіне Қызылорда облыстық Дене шынықтыру және спорт басқармасы, Қызылорда қалалық мәслихаты, «Абзал и К» компаниясы, Biali спорт дүкені, Qosyl қалалық жастар ресурстық орталығы қолдау білдірді. Сонымен қатар Coca-Cola, GGG компаниясының филиалдары ойыншыларға сусындар таратты.А.ЖАСАН