«Nur Otan» партиясы Алматы облыстық филиалы жанындағы Сыбайлас жемқорлыққа қарсы іс-қимыл жөніндегі қоғамдық кеңесі отырыс өткізді.
Кездесуде кеңес мүшелері Алматы облысының Сәулет және құрылыс басқармасы саласындағы сыбайлас жемқорлыққа қарсы іс-қимыл жөніндегі жұмысын сөз етті. Талдықорған және Текелі аумақтық партия филиалдары жанындағы сыбайлас жемқорлыққа қарсы іс-қимыл жөніндегі Қоғамдық кеңестің жұмысы мен 2015-2025 жылдарға арналған сыбайлас жемқорлыққа қарсы іс-қимыл бағдарламасының орындалу барысы да талқыланды. Отырысқа Сыбайлас жемқорлыққа қарсы іс-қимыл агенттігінің Алматы облысы бойынша департаменті басшысының бірінші орынбасары Жандос Жұмабаев, кеңес төрайымы Римма Салықова, кеңес мүшелері мен аумақтық партия филиалдары қатысты. Олар жиында сыбайлас жемқорлықпен күрестің жыл басынан бергі нәтижелері мен атқарылған қызмет барысымен жіті танысты. Облыстық филиал жанындағы бұл кеңестің төрайымы Римма Салықова есеп берген бірқатар басқарма басшыларына сыбайлас жемқорлықпен күресте партияның алдын алу шараларының маңызы мен мониторинг жұмыстарының уақытылы әрі сапалы жүргізілуі қажет екенін айтты. Отырыс соңында арнайы хаттамалық тапсырмалар беріліп, тиісті сала мамандарына ұсыныс, ескертпелер жасалды. Айта кетейік, Алматы облысында партияның аймақтық, аумақтық филиалдарында Сыбайлас жемқорлыққа қарсы іс-қимыл жөніндегі қоғамдық кеңестерінің 159 отырысы өткізілді. Аталған отырыстарда 509 ұсыным беріліп, оның 388-і орындалды.Әбілмансұр ЖАСАН