Дәрігерлер баланың жағдайы жақсарып келе жатқанын айтты.
Бүгін БҚО Денсаулық сақтау басқармасының баспасөз қызметі баланың жағдайы бір қалыпқа келді, – деп мәлімдеді.
"Бала есін жиды. Жағдайы жақсаруға бет алған, тұрақты деп бағалануда", – деді ведомствоның баспасөз қызметі.
25 қыркүйекте 9 жасар бала В.Громов көшесінде орналасқан ойын алаңында құлап кетіп, жаттығу арқанына оралып қалған. Бала "тұншығу" диагнозымен ауруханаға жеткізілген.
"Ойын алаңдарындағы балалар жарақатының негізгі себебі — ата-аналар балаларын тиісті түрде қадағаламауы", – деп атап өтті БҚО полиция департаментінің баспасөз қызметі.