Шығыс Қазақстанда аязға байланысты мектептерде жаппай сабақ тоқтатылды
Шығыс Қазақстанда аязға байланысты мектептерде жаппай сабақ тоқтатылды
Фото: Интернеттен алынды
Шығыс Қазақстан облыстық Төтенше жағдайлар департаментінің хабарлауынша,  қатты аязға байланысты сабақтар болмайды. Өңірдегі білім басқармасының мәліметіне сәйкес,  – 30 градус аязға байланысты Семей қаласында бірінші ауысымдағы 1-4 сынып оқушыларына сабақ болмайды.
Сонымен қатар, Шемонаиха, Ұлан, Бородулихин, Күршім, Қатон-Қарағай аудандары мен Курчатов және Риддер қалаларында І ауысымдағы бастауыш сынып оқушылары мектепке бармайды.
Сондай-ақ Көкпекті, Бесқарағай аудандарында 1-ден 11-сыныпқа дейін сабақ тоқтатылды. Ал Алтай ауданында бірінші ауысымдағы 1-9 сынып оқушыларына сабақ болмайды. Айта кетейік, ең суық Көкпекті және Алтай аудандарында ауа температурасы -31-ге дейін төмендеді.