Павлодар ХҚКО-ларының бірінде мекеме қызметкері мен келуші арасында жанжал шықты. Куәгер түсірген видео Instagram-дағы zhaloby_pavlodar парақшасына жарияланды, – деп хабарлайды Tengrinews.kz тілшісі.
Кадрлардан ХҚКО қызметкерінің ер адаммен дөрекі сөйлескенін көруге болады. Оған ол "Айғайлама маған!" – деп жауап береді.
Оқиғаға "Азаматтарға арналған үкімет" өкілдері түсінік берді, – деп хабарлайды inbusiness.kz.
Ақпарат бойынша, ер адам туу туралы куәлігін жасатуға келген, қызметті рәсімдегеннен кейін оператор келушіден мемлекеттік бажды қалай төлейтінін сұраған, кассаға ма әлде QR-мен бе деп.
"Клиент әуел бастан негатив күйде отырған, оған бірінші құжат берген Алматы АХАТ қызметкерлеріне де шағымданды. Ал төлем жасауға келгенде ол қызметкерге әмияны мен кілттерін лақтырып жіберіп, "Тоймадыңдар ғой" деді, оған қызметкер мемлекеттік баж төлемін қалтасына салмайтынын айтты", – деп түсіндірді "Азаматтарға арналған үкімет" баспасөз қызметі өкілдері.