Үй өртене бастағанда өрттің видеосын куәгерлер Instagram-да жариялады.
Алматы қалалық Төтенше жағдайлар департаментінің мәліметінше, бүгін сағат 06:44-те өрт сөндірушілер Бостандық ауданы «Алмагүл» ықшамауданындағы №38 үйге шақырту алды.
«Оқиға орнына шұғыл 7 минутта жеткен өрт сөндірушілер үйдің 1-қабаты өртеніп, жалын мансардқа қарай ойысып жатқанын анықтады. Жақын маңдағы көрші үйлерге өрттің таралу қаупі болды. Өрт үй сыртындағы ағаш және тез жанғыш оқшаулағыш қаптамадан тез таралды», – деді өрт сөндірушілер.
Өрт 07:38-де оқшауланып, сағат 08:00-де толықтай сөндірілді. Өртті сөндіруге 30-дан астам адам атсалысты.
