8 өңірде балаларды оңалту орталығы ашылады
8 өңірде балаларды оңалту орталығы ашылады
© inform.kz
«Салауатты ұлт» әр азамат үшін сапалы және қолжетімді денсаулық сақтау» ұлттық жобасы аясында 2025 жылға дейін мүгедектігі бар балаларды оңалтуға арналған 8 орталық салынады. Бұл туралы ҚР Денсаулық сақтау министрі Алексей Цой Орталық коммуникациялар қызметінде өткен брифингіде мәлім етті, – деп хабарлайды ҚазАқпарат.
«Ұлттық жоба аясында жүкті әйелдер мен балалардың денсаулығын сақтау үшін бірнеше шара қарастырылған. Біріншіден, жүкті әйелдерді босанғанға дейінгі бақылаумен қамту көзделген. Екіншіден, 1 жасқа дейінгі балаларды проактивті бақылаумен және скринингтермен қамтамасыз ету қарастырылған», - деген ведомство басшысы 8 өңірде балаларды оңалту орталығы ашылатынын хабарлады. «Үшіншіден, 8 өңірде балаларды оңалтуға арналған 8 орталық және 2 ерте араласу орталығын қосымша ашу жоспарланған. Бұл мүмкіндігі шектеулі балаларды медициналық оңалтумен қамтуды 3 есе – 18-ден 60% дейін арттыруға мүмкіндік береді. Халыққа сапалы қызмет көрсету көбінесе біліктілікке және қажетті мамандардың болуына байланысты. Сондықтан ұлттық жобаның бірінші бағыты аясында аса тапшы мамандықтар бойынша резидентуралық білім беру гранттарының саны 3800-ге дейін, сондай-ақ әлемнің жетекші орталықтарында қарқынды терапияның халықаралық стандарттары бойынша оқытылған дәрігерлер саны көбейтілетін болады», – деді министр.