Қарағанды облыстық мәслихат депутаттары, «Nur Otan» партиясының фракция мүшелері Талғат Өтеубаев және Бейбіт Досжанов Ақтоғай ауданына іссапармен келіп, саяси ұйымның «Өзгерістер жолы: әр азаматқа лайықты өмір!» атты сайлауалды бағдарламасын іске асыру аясында Жол картасы міндеттерінің орындалу барысымен танысты.
Жұмыс сапары барысында мәслихат депутаттары Жол картасындағы әлеуметтік бағдарланған аудан бөліміндегі 268 млн теңге қаражат бөлінген, құрылыс аумағы 4 956 м2 болатын Ақтоғай ауданының орталық ауруханасының жөндеу жұмысын барып көрді. Одан кейін Жол картасындағы білім беру саласы бойынша 3 жастағы балаларды мектепке дейінгі тәрбиемен және оқытумен қамтамасыз ету мақсатында «Аққыз» балабақшасындағы ашылған топтың жұмыстарымен және Жол картасында көрсетілген 7 мектепте робототехника, велотуризм, IT сыныптар, техникалық модельдеу бойынша 15 үйірме ашу есебінен қосымша білім беруді дамыту барысында Ә.Бөкейхан мектебінде ашылған қосымша білім беру жұмысымен танысты. Әрі қарай Ақтоғай ауылындағы қаражат көлемі 442,6 млн теңге құрайтын, құрылыс мерзімі 2021-2022 жылдарға жоспарланған төрт 16 пәтерлі үйдің құрылыс жұмысымен және «Ауыл – ел бесігі» аясында құны 357,5 млн теңге болатын орталық саябақ жұмыстары қаралды. Іссапар жалғасы Жидебай ауылдық округіне қарасты Сәуле ауылында жалғасып, Жол картасындағы құны 30,8 млн теңгені құрайтын, осы жылы салынған ауылдың ішкі жолдарымен танысып қайтты.Дәулет АСАУ