«Nur Otan» партиясы Нұр-Сұлтан қаласы Есіл аудандық филиалы, «Nur Otan» партиясы жанындағы «Jas Otan» Жастар қанаты елордалық филиалы және BF Меreke қоғамдық қайырымдылық қоры арасында ынтымақтастық меморандумына қол қойылды. Меморандумның негізгі мақсаты – әлеуметтік сектор саласындағы ынтымақтастық пен қайырымдылық.
2020 жылы құрылған BF Меrеkе қоғамдық қайырымдылық қоры осы уақытқа дейін «Мектепке жол», «Отбасы отбасына көмектеседі», «Жылу сыйлау», «Керемет күн» атты стратегиялар аясында жасалған акциялар арқылы азаматтарға түрлі көмек қолын созды. Игі істердің ішінде демеушілер арқылы аз қамтылған отбасыларға, мұқтаж жандарға көмір үлестіріп, киім-кешекпен қамтамасыз етіп, мектеп оқушылары бар отбасыларға оқу құрал-жабдықтарын таратқан. Бүгінде қайырымдылық қоры бойынша жалпы 24 миллион тенге көлемінде көмек көрсетілген.Дәулет АСАУ