Алматы облысында 17 жастағы жігіт қасында отырған такси жолаушысын зорлап, тонап кетті
Алматы облысында 17 жастағы жігіт қасында отырған такси жолаушысын зорлап, тонап кетті
© polisia.kz
Алматы облысында таксиде қасындағы жолаушыны зорлады, онымен қоса тонады деген күдікпен 17 жастағы жігіт ұсталды, – деп хабарлайды Polisia.kz. Іле аудандық полиция бөліміне жас әйел арыз түсірді. Оның айтуынша, ол 9 қазан түнгі сағат үш шамасында Алматы қаласының №1 теміржол вокзалында үйіне жету үшін такси ұстаған. Әйелді алған соң такси жүргізушісі қасындағы тағы бір жолаушының өтініші бойынша Түймебаев ауылының жанындағы жолдан бұрылып, қаңырап бос қалған жерге апарған.
«Сол жерде оған шабуыл жасап, ұрып-соғып, зорлап, алтын алқасын тартып алған. Қылмыс жасауға такси жүргізушісі де қатысқан. Ол зорлық жасаған адамға көмектескен серіктесі болып шықты», – делінген хабарламада.
Тәртіп сақшылары күдікті ретінде Бұрындай кентінің 17 жастағы тұрғынын ұстады.
«Күдікті қылмысын мойындап, қамауға алынды. Сондай-ақ 22 жастағы такси жүргізушісі де ұсталды. Ол екеуі жерлес болып шықты. Такси жүргізушісінің әрекеттеріне тергеу кезінде тиісті құқықтық баға беріледі», – делінген хабарламада.
Қылмыстық іс ҚР ҚК 120-бабының 1-бөлігі (зорлау) және ҚР ҚК 191-бабының 2-бөлігі (тонау) бойынша қозғалды.