Қазақстан 11-14 қазан аралығында Италияда өткен әйгілі Sanremo Junior-2021 халықаралық байқау-фестивалінде үздік үштікке енді.
Ковид жағдайы мен карантин шараларына, сондай-ақ мемлекеттер арасындағы шекаралардың ішінара жабықтығына қарамастан Сан-Ремо каласына әлемнің 22 елінен өкілдер келді. Олардың арасында отандасымыз скрипкашы әрі вокалист, 10 жасар Әмина Арыстанбек болды. Жас вокалист әрі скрипкашы байқау финалында Fairytale композициясын оркестрмен бірге орындады. Естеріңізде болса, бұл әнмен 2009 жылы Александр Рыбак «Евровидение» жеңімпазы атанған еді. Әмина ән байқауында 2-орынды иемденді. Сонымен қатар украиналық «Евровидение балалар академиясының» халықаралық байқауының финалына қонақ ретінде шақырылды. Арнайы шақырту сыйлығын Evrovision Junior ән байқауының директоры Влад Багинский тапсырды. Аталған конкурс осы жылдың 30 қазанында Киев қаласында өтеді.Ж. НҰРЛАН