Төлеби аудандық полиция бөліміне арызданған ер адамның айтуынша, оның жайылымда қараусыз жайылып жүрген екі бас жылқысы мен құлынын белгісіз біреу ұрлап кеткен. Шығын көлемі – 1 миллион 200 мың теңгеге жуық.
Полицейлер арыз негізінде мал базар мен мал тасымалдайтын автокөліктерді мұқият тексерді.
Іздестіру нәтижесінде, ұрланған жылқының бірін мал базарда сатылып тұрған жерінен анықтады. Күдікті ұсталды. Ол жылқыны жайылымнан ұстап әкетіп, қорасына жасырып, мал базарға апарып сатқан.
