Биыл Кельц қаласында өткен жастар арасындағы әлем чемпионатының "алтынын" жеңіп алып, турнирдің үздік боксшысы атанған жапондық Реито Цуцуми 2021 жылғы әлем чемпионатында қазақстандық Серік Теміржановтан жеңіліп қалды. Жекпе-жек төрешілердің шешімімен бірауыздан Темірхановтың жеңісімен аяқталды, екінші раундта қазақстандық боксшы қарсыласын нокдаунға жіберді, – деп жазады Sports.kz.
"AIBA бокстан әлем чемпионатының алдында менде салмақ бойынша мәселе болды және жылдамдықты жоғалттым. Бұл жекпе-жекте мен өзімді сергек сезіндім, бірақ нәтижеден көңілім қалды", – деді Цуцуми.Айта кетейік, бұл - Серік Теміржановтың 2021 жылғы әлем чемпионатындағы екінші жеңісі, ол жарыстың 1/8 финалына шықты.