"Амангелді газ өңдеу зауыты" ЖШС Тараз филиалы аумағында дизель отыны құйылған екі резервуар өртенді.
"Жамбыл облысы Жамбыл ауданы Аса ауылында "Амангелді ГАЗ" ЖШС-нің Тараздағы бөлімшесі (газ өңдеу зауыты) аумағында өрт шықты. Жалпы көлемі 480 текше метр дизель отыны бар екі цистерна жанып кетті. Төтенше жағдайлар департаментінің жедел қызметіне шақырту сағат 12.24-те келіп түсті", - делінген хабарламада.Өрт сағат 13.05-те оқшауланып, 13.17-де сөндірілді. Зардап шеккендер мен қаза болғандар туралы мәлімет жоқ. Өртті сөндіруге облыстық ТЖД-ның 75 қызметкері жұмылдырылды. Төтенше жағдайлар департаментінің мәліметінше, алдын-ала себеп - мұнай өнімдерін айдау кезіндегі технологиялық процестің бұзылуы.