Мәдениет және спорт министрлігі өңірлік әкімдіктермен бірлесе отырып, «Nur Otan» партиясының 2025 жылға дейінгі «Өзгерістер жолы: әр азаматқа лайықты өмір!» атты сайлауалды бағдарламасының 141-тармағын уақытылы орындады. Осының арқасында елімізде балалар-жасөспірімдер клубтарының саны артқан.
«Бүгінде «Nur Otan» партиясының Жол картасындағы «Балалар-жеткіншектердің клубтарын және Балалар-жасөспірімдердің денешынықтыру клубтарының санын барлық тірек ауылдарды қамти отыра, 1000-ға дейін ұлғайту» атты 141-тармағын іске асыру кезең-кезеңімен жүзеге асырылып, қазан айының аяғына қарай толық аяқталды», – деп хабарлады Мәдениет және спорт министрлігі. Бұл міндет спортпен шұғылданатын балалардың санын арттыруды көздейді. Нәтижесінде, қазір республикада 632 балалар мен жас жеткіншектер клубы жұмыс істейді. Бұл көрсеткіш бүкіл республика бойынша былтырмен салыстырғанда 53 клубқа артты. Жоспарлы көрсеткіш 5%-ға асыра орындал- ды. Ал балалар мен жасөспірімдердің денешынықтыру клубтарына келсек, биыл оның 128-і ашылды. Бұл 2020 жылға қарағанда 21 клубқа артық, жоспарлы көрсеткіш 7,6%-ға артығымен орындалды. Балалар-жеткіншектер клубының ең көп саны Қарағанды облысында – 105 клуб. Ал балалар-жасөспірімдердің денешынықтыру клубының ең көп саны Қостанай облысында (53 клуб) екенін айта кеткен жөн.Айхан ШӘРІП