Халықаралық бокс ассоциациясының (AIBA) ресми сайты Белградтағы әлем чемпионатында Асланбек Шымбергенов пен Шахрам Гиясов арасындағы жекпе-жек туралы пікір жариялады.
«Биыл қазақстандық Асланбек Шымбергенов Санкт-Петербургте губернатор кубогын жеңіп алып, финалда Ресейден келген AIBA әлем чемпионы Андрей Замковойды жеңді. Осы жеңістен кейін Шымбергенов Белградта үздік формада екенін көрсетті, сондай-ақ бұл жеңісі өзбекстандық Шахрам Гиясовқа қарсы тамаша мотивация болды. Өзбек төрт жыл бұрын Гамбургте AIBA әлем чемпионы атанды, бірақ кәсіпқойға ауысты және оның бүгінгі жарыстағы жылдамдығы бұрынғыдай болмады. Гиясов құрамаға қайта оралды, бірақ Шымбергенов жекпе-жекте зерек, сұңғыла әрі жылдам болды. Қазақстандық өзінің ұзын қолын тиімді пайдаланды және оның соққыларының жылдамдығы Өзбекстан чемпионына қарағанда жоғары болды», – деп жазды AIBA.
