Алматыда полиция қызметкерлері көпқабатты үйлердің біріндегі лифтіні қиратқан ер адамды анықтап, ұстады. Бұл туралы қалалық Полиция департаменті бастығының орынбасары Рустам Әбдірахманов Instagram парақшасында мәлімдеді. Оқиға 1 қарашаға қараған түні бақылау камерасына түсіп қалған. Видео әлеуметтік желіде тарап кетті.
"Оның әрекетінде әкімшілік құқықбұзушылық белгілері бар. Ол Қазақстан Республикасының әкiмшiлiк құқықбұзушылық туралы 434-бабы бойынша әкімшілік жауапкершілікке тартылды", – деді Әбдірахманов.Ұсталған ер адам көпшілік алдында кешірім сұрауды жөн көріп, мұндай енді қайталанбайды деп уәде берген. https://www.youtube.com/watch?v=03Am6xL-N8M&feature=emb_title