Балқашта жоғалып кеткен 19 жастағы қыздың өлі денесі табылды.
Бойжеткен 2 қараша күні үйден шығып, отбасымен қайта байланысқа шықпаған. Сол күні анасы полицияға барған. Қызды іздеу туралы ақпарат Instagram желісіндегі еріктілер қозғалысы парақшасында да пайда болды.
"2 қарашада 55 жастағы қала тұрғыны Балқаш қаласының кезекші бөліміне арызданып, үйінен шығып кеткен 19 жасар қызының жоғалып кеткенін хабарлаған. Бұл факті дереу полицияға тіркеліп, бүкіл жеке құрамның нысанасына алынды", - деп хабарлады Қарағанды облысы полиция департаментінің баспасөз қызметі.
3 қарашада іздеу шаралары барысында жоғалған қыздың денесі Балқаш көлінің маңынан табылды.
