Қазақстанда коронавирус пен коронавирус белгілері бар пневмониядан тағы 25 адам көз жұмды. Бұл туралы Денсаулық сақтау министрлігі жариялады. 3 қарашадағы жағдай бойынша, ел өңірлерінде коронавирус пневмониясының 120 жағдайы және 2 өлім жағдайы тіркелді, 170 адам емделіп шықты. Жалпы, 2020 жылдың 1 тамызынан 3 қарашаға дейін ауырғандар саны – 80 068, қайтыс болды – 5 059, жазылып шықты – 69516 адам. Сондай-ақ министрлік мәліметіне сәйкес, 3 қарашада елімізде коронавирус инфекциясынан 23 адам көз жұмды. 2020 жылдың 13 наурызынан биылғы 4 қарашаға дейін індетті жұқтырғандар саны – 945 922 адам, көз жұмғандар – 12 204 науқас, жазылып шыққандар – 896 581 адам.