СҚО-да тас жолда КамАЗ өртенді

тас жол

Солтүстік Қазақстан облысында автожолда қиыршық тас артқан КамАЗ аударылып қалып, өртенді.

Бүгін Тайынша ауданы Обуховка елді мекені маңындағы автожолда КамАЗ аударылып, көліктің кабинасынан өрт шықты. Жол-көлік оқиғасының бейнежазбасы әлеуметтік желіде жарияланды.

Апатқа көктайғақ себеп болған. Бүгін түнде СҚО-да қалың қар жауып, оның арты көктайғаққа ұласқан.

СҚО төтенше жағдайлар департаменті баспасөз қызметінің мәліметінше, оқиға жайында бүгін сағат 9.56 минут кеткенде хабар түскен.

Қоңырау шалғандар «Нұр-Сұлтан-Петропавл» автомобиль жолында КамАЗ көлігінің аударылып, жанып жатқанын айтқан. Көмекке жақын маңдағы Келлеровка елді мекенінің өрт сөндірушілері жетіп, өртті сөндірген. Оқыс оқиғадан ешкім зардап шекпеді.

 

Aikyn.kz | Бүгінгі жаңалықтар. Әлем және Қазақстан жаңалықтары.