Кеше «Nur Otan» партиясы Шымкент қалалық филиалы жанындағы Экономиканы дамыту және кәсіпкерлікті қолдау жөніндегі қоғамдық кеңестің 10 айда атқарған жұмыстарының есебі тыңдалды.
Жиынды «Nur Otan» партиясы Шымкент қалалық филиалы төрағасының орынбасары, фракция жетекшісі Бекайдар Төлегенов ашып, жүргізді. Экономиканы дамыту және кәсіпкерлікті қолдау жөніндегі қоғамдық кеңестің төрағасы Мақсат Абдукаримов атқарылған жұмыстар бойынша есеп берді. Кеңес отырысында «Nur Otan» партиясының «Өзгерістер жолы: әр азаматқа лайықты өмір!» сайлауалды бағдарламасының 2021-2025 жылдарға арналған қалалық Жол картасының 10 айдағы жұмыс қорытындысы талқыланды. Жыл басынан бері кеңестің 10 отырысы өткізілді, оның ішінде 5-і көшпелі отырыс. Кеңес жұмысында Жол картасының тармақтарына жауапты Жұмыспен қамту, Еңбек инспекциясы, Кәсіпкерлік және индустриалды-инновациялық даму басқармасы, Ауыл шаруашылығы басқармаларының жұмыстары зерделенді. Мақсат Серікұлы әр басқарма бойынша жекелей тоқталып, зерделеу нәтижесі бойынша атқарылған жұмыстардың оң нәтижелері мен кейбір көрсеткіштердің жылдық жоспарының орындалу деңгейі төмен екенін атап өтті. Сондай-ақ бұған дейінгі өткен кеңес отырысында орындалмай қалу қаупі бар тармақтар бойынша тиісті басқармаларға тапсырмалар мен нұсқаулар берілгенін, олардың нәтижесі партия филиалының жыл қорытындысы бойынша өткізілетін жиында қаралатынын мәлімдеді. Кеңес отырысын қорытындылаған Бекайдар Төлегенов 10 айдың нәтижесі бойынша кеңес жұмысына оң баға беріп, Жол картасындағы бекітілген әрбір іс-шараның маңызын атап өтті. Барша тиісті мекемелерді оның орындалуына атсалысуға шақырды.Би-Барыс КӨКШЕ