Polisia.kz-тің жазуынша, Түркістан облысында әкесінің малын ұрлап, сатып жіберген ер адам ұсталды.
Түркістан облысы Ордабасы ауданы ПБ-ға жергілікті тұрғын малын белгісіз біреу ұрлап кеткеніне арызданған. Жәбірленушінің екі қошқары мен бір бұзауын ұрлап, оған жалпы көлемі 180 мың теңге шығын келтірген. Аталған дерек ҚК 188-1-бабы (Мал ұрлығы) бойынша тіркелді.
Полицейлер жан-жақты тексеру жүргізіп, күдіктіні анықтады. Күдікті жәбірленушінің баласы болып шықты.
Яғни, жігіт күндізгі сағат 15:00 шамасында үйінің ауласындағы жүрген малды ұрлап, мал базарға апарып сатып жіберген.
