Жаңа жылға 40 күндей қалды. Бұл мереке көпшілік үшін дастархан басында отбасымен, достарымен жиналу үрдісімен есте қалады. Ал ондағы дәстүрлі тағамның бірі - оливье салаты. Aikyn.kz салаттың қалай дайындалатынын емес, оған қосылатын азық-түлік өінмдерінің бағасын салыстырды.
Байқасаңыз, 10 жыл бұрын шұжықтың келісі 1009 теңге болса, қазір 2136 теңге. Сонда шұжықтың құны 10 жылда 52%-ға қымбаттаған. Сәбіздің де бағасы 10 жылда 51%-ке өскен. Жасыл бұршақтың да құны 10 жылда 52,2%-ке қымбаттаған. 4 адамға арналған салат дайындау үшін 500 гр картоп, 200 гр сәбіз, 4 дана жұмыртқа, 300 гр шұжық, 380 гр жасыл бұршақ, 100 гр пияз, 200 гр майонез қажет болады. Оған биыл қазақстандықтар 1539,1 теңге жұмсайды. Ал 5 жыл бұрын 1097 тг, 10 жыл бұрын 699,47 теңге жұмсады. Айта кетейік, Қазақстан тұрғындары биыл да табысының жартысын тек азық-түлікке жұмсаған. Ел азаматтарының азық-түлікке жұмсайтын шығыны кейінгі бес жылдан бері өсіп келеді. Оған бірден бір себеп – азық-түлік бағасының өсуі. Оған біз мысал етіп көрсеткен, оливье салатының құрамындағы өнімдердің бағасы дәлел бола алады. Айта кетейік, биыл II тоқсанында қазақстандықтар табысының 51,4%-ын азық-түлікке жұмсаған. Сонымен бірге халықтың 0,2%-інің (38 мың адам) табысы азық-түлік қоржынының құнына жетпейді. Ал елдегі кедейлердің үлесі 1 миллионға жуықтады. Демек Қазақстандағы табысы азық-түлік қоржынына жетпейтін 38 мың адамды есепке алсақ, олардың биыл да жаңа жылда "оливье" салатын жеу-жемеуі екіталай болып отыр.