Қаржы мониторингі агенттігінің баспасөз қызметі елорда тұрғынының жалған шот жазып, мемлекетке 900 миллион теңге көлемінде залал келтіргенін мәлімдеді.
Нақты айтқанда, Нұр-Cұлтан қаласы бойынша Экономикалық тергеп-тексеру департаменті жалған бухгалтерлік құжаттарды жазу дерегі бойынша «АйДи Строй 2030» ЖШС директорына қатысты қылмыстық істі аяқтады.
«Тергеу барысында Д.Құрманғожинованың 2017-2018 жылдар аралығында серіктестік атынан түрлі компаниямен жалған мәмілелер жасағаны анықталды. Соның салдарынан мемлекетке төленбеген салық түрінде 900 миллион теңгеден астам сомаға залал келтірілді» делінген хабарламада.
Сол себепті ол 3,5 жылға бас бостандығынан айырылды.
