Алматы облысында жүкті әйел перзентхананың үшінші қабатынан секірмек болды

Алматы облысында жүкті әйел перзентхананың үшінші қабатынан секірмек болды
© inform.kz

Бұл туралы ақпарат әлеуметтік желіде тарады.

«Алматы облысындағы Қаскелең перзентханасының дәрігерлері терезеден секірмек болған жүкті әйелді құтқарып қалды»,- деп жазды желі қолданушы.

Алматы облыстық Полиция департаменті аталған оқиғаны растады.

«Алматы облысының Полиция департаменті оқиғаның 24 қазанда Қаскелең қаласының перзентханасында болғанын хабарлайды. Қарасай ауданының 41 жастағы тұрғыны 3-қабаттың терезесінен секіруге тырысқан»,- деп жауап берді ведомстводан.

Аталған дерек бойынша ҚР ҚК-нің 105-бабы негізінде қылмыстық іс тіркелді және оның шеңберінде оқиғаның барлық мән-жайы анықталатын болады.

Бұған дейін 9-қабаттан 28 жастағы әйел 3 баласымен секіріп, көз жұмғанын жазған болатынбыз.

 

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.