Алматылықтарды алдап келген заңгер алаяқтығы үшін қамауға алынды
Алматылықтарды алдап келген заңгер алаяқтығы үшін қамауға алынды
© syr-media.kz
Мәселені шешуге көмектесеміз деп уәде берген заңгер алматылықтарды алдап келген. Polisia.kz. сайтының жазуынша, “LEGAL FORCE” ЖШС директоры заң саласындағы түрлі мәселелерді шешуге уәде беріп, адамдарды алдаған.
– Анықталғандай, 39 жастағы Б.есімді азамат көптен бері аңғал азаматтарға түрлі мәселелерді шешуде құқықтық қолдау көрсету бойынша өз қызметтерін ұсынып келеді. Одан әрі сенімге кіріп, клиенттермен ойдан шығарылған келісім-шарттар жасаған. Алайда азаматтардан қаражатты алғаннан бойтасалап жүрген. Қазіргі таңда бұл азаматтың үстінен полицияға 5 адам арызданды, – деді Медеу аудандық Полиция басқармасының бастығы Дәурен Өтебаев.
Жедел-іздестіру іс-шаралары барысында күдікті қолға түсті. Оған қатысты ҚР ҚК-нің 190-бабы 3-бөлігі (Бірнеше рет жасалған алаяқтық) бойынша қылмыстық іс қозғалып, тергеу жүргізілуде. Бұл күнде күдікті Алматы қалалық ПД уақытша ұстау изоляторына қамалды.