Павлодарлық полицейлер қалта ұрылары қолды қылған 200 телефонды бұрынғы иелеріне қайтарды. Сөйтіп, телефон ұрлығы ашылмай қалатыны жайлы ел арасында қалыптасқан көзқарасқа қарсы уәж айтқандай болды.
Polisia.kz сайтының мәліметтеріне қарағанда, павлодарлық полицейлер 200 гаджетті бір күнде қайтармапты, жыл басынан бергі есеп-қисап екен. Ал жуырда қалада 260 мың теңгенің смартфонын қолды қылған бір тұрғын, тағы бір дүкеннен 160 мың теңгенің гаджетін ұрлаған азамат ұсталған. Бір ұры телефон үшін көлік терезесін де сындырыпты, сөйтіп 200 мыңның смартфонын алып кеткен. Қоғамдық көлікте жолаушының телефонын алып кеткендер де анықталды. Бәрі де бір күнде тіркелген ұрлықтар. Абырой болғанда ұрылар түгел ұсталды. Алайда бір күннің өзінде кемі адам ұрлық істесе, жылына қолды болатын гаджеттер саны 1200-ден асып кетер еді. Ал оның 200-і ғана табылса сөз басында айтқан «телефон ұрлығы ашылмайды» дейтін көзқарасты жоюға әлі де болса қауқарсыз тәрізді.
