Елордада көптен күткен «Саз сиқыры» қайырымдылық фестивалі өтті. Жоба аясында ауылды елді мекендерде орналасқан балалар үйлеріне көмек көрсетіледі.
Сондай-ақ балаларға өздері армандаған түрлі жаңа жылдық сыйлықтар велосипед, скейт, самокат, телефондар мен планшеттер табысталды. Жыл сайын жаңа жыл мейрамы қарсаңында өткізілетін «Саз сиқыры» фестивалі аясында бүлдіршіндер мейірім мен қамқорлық сезіміне бөленіп, мерекелік атмосфераны сезінеді.
Жиналған қаражатқа Павлодар, Қарағанды, Атырау облыстары мен Тараз қаласындағы балалар мекемелеріндегі ойын бөлмелері мен оқу шеберханаларына арналған заманауи құрал-жабдықтар, сондай-ақ оңалту жабдықтары сатып алынады.
– «Саз сиқыры» жобасы биыл 4-рет өтуде. Жоба аясында біз жыл сайын 4 балалар үйіне көмек көрсетеміз. Қазір жоба тарихы еліміздің түкпір-түкпірінде орналасқан 12 балалар үйін қамтиды. Жоба балалар үйіне қажетті медициналық және оқыту жабдықтарын сатып алуды, сондай-ақ әр балаға сыйлық беруді көздейді. «Саз сиқыры» жобасы – бұл балаларға ұмытылмас эмоция мен мерекелік көңіл-күй сыйлайтын нағыз сиқыршылардың жобасы. Еліміздің әрбір азаматы осы жобаға қатысу арқылы ата-анасының қамқорлығынсыз қалған бүлдіршіндерге қолдау көрсететін сиқыршы бола алады, – деді фестивальді ұйымдастырушы «Дегдар» қорының директоры Лаура Ахметова.
Балалар үйінің өкілдері де ұйымдастырушыларға өз алғыстарын білдірді.
– Біздің тәрбиеленушілерге осындай қамқорлық көрсетіп, қолдау білдірген «Дегдар» қорына зор алғысымызды айтамыз. Балалар өздері көптен бері армандап жүрген сыйлықтарын алатын күнді асыға күтуде. Бұл біздің балалар үшін үлкен қуаныш, естен кетпес естелік. Сондай-ақ бүгінгі тамаша мерекелік концерт үшін де алғысымыз зор, – деп жеткізді Атырау облысының Геолог ауылында орналасқан «Отбасы үлгісіндегі балалар ауылы мен жасөспірімдер үйінің» директоры Гүлсара Ботатаева.
Ізгілік пен мейірім шуағына толы қайырымдылық фестивалінің шарапатын балалар үйінің тәрбиеленушілерімен бірге елордалық көрермендер де сезіне алды. Бас қаланың тұрғындары мен қонақтары таңғажайып әуендерге толы музыка әлеміне саяхат жасады. Фестиваль аясында «Қазақстан» орталық концерт залында өткен «Рождество әуендері» қайырылымдылық концерті көрерменнің зор ықыласына бөленді.
Концертке отандық классикалық өнердің майталмандары Салтанат Ахметова, Дамир Садуахасов, ASTANA OPERA халықаралық опера академиясының білім алушылары қатысты.
Бұған қоса, концерттік залдың холлында балалар үйінің тәрбиеленушілеріне арналған қайырымдылық бокстары орнатылды.
Ұйымдастырушылар атап өткендей, 2017 жылдан бастау алған «Саз сиқыры» фестивалін өткізу игі дәстүрге айналды. Фестиваль аясында 2017-2020 жылдар аралығында 121 854 812 теңге жиналды. Бұл қаражатқа әлеуметтік қолдауға мұқтаж балалар үйлері үшін ойын бөлмелері мен оқу шеберханаларына арналған құрал-жабдықтар, сондай-ақ оңалту жабдықтары сатып алынды.
Балалар үйінің өкілдері де ұйымдастырушыларға өз алғыстарын білдірді.
– Біздің тәрбиеленушілерге осындай қамқорлық көрсетіп, қолдау білдірген «Дегдар» қорына зор алғысымызды айтамыз. Балалар өздері көптен бері армандап жүрген сыйлықтарын алатын күнді асыға күтуде. Бұл біздің балалар үшін үлкен қуаныш, естен кетпес естелік. Сондай-ақ бүгінгі тамаша мерекелік концерт үшін де алғысымыз зор, – деп жеткізді Атырау облысының Геолог ауылында орналасқан «Отбасы үлгісіндегі балалар ауылы мен жасөспірімдер үйінің» директоры Гүлсара Ботатаева.
Ізгілік пен мейірім шуағына толы қайырымдылық фестивалінің шарапатын балалар үйінің тәрбиеленушілерімен бірге елордалық көрермендер де сезіне алды. Бас қаланың тұрғындары мен қонақтары таңғажайып әуендерге толы музыка әлеміне саяхат жасады. Фестиваль аясында «Қазақстан» орталық концерт залында өткен «Рождество әуендері» қайырылымдылық концерті көрерменнің зор ықыласына бөленді.
Концертке отандық классикалық өнердің майталмандары Салтанат Ахметова, Дамир Садуахасов, ASTANA OPERA халықаралық опера академиясының білім алушылары қатысты.
Бұған қоса, концерттік залдың холлында балалар үйінің тәрбиеленушілеріне арналған қайырымдылық бокстары орнатылды.
Ұйымдастырушылар атап өткендей, 2017 жылдан бастау алған «Саз сиқыры» фестивалін өткізу игі дәстүрге айналды. Фестиваль аясында 2017-2020 жылдар аралығында 121 854 812 теңге жиналды. Бұл қаражатқа әлеуметтік қолдауға мұқтаж балалар үйлері үшін ойын бөлмелері мен оқу шеберханаларына арналған құрал-жабдықтар, сондай-ақ оңалту жабдықтары сатып алынды.