Қарағанды театрында "Ұлтқа қызмет" тарихи драмасы сахналанды
Қарағанды театрында "Ұлтқа қызмет" тарихи драмасы сахналанды
Сәкен Сейфуллин атындағы облыстық-академиялық қазақ драма театрында Қанат Жүнісовтің «Ұлтқа қызмет» атты тарихи драмасы сахналанды. Туындыда ұлт көсемі Әлихан Бөкейхан және Ахмет Байтұрсынов, Әлімхан Ермеков сынды Алаш алыптарының азаттық жолындағы күресі баяндалады, – деп хабарлайды "Saryarqa" телеарнасы. Тарихи драма Патша үкіметі құлап, Ақ пен қызылдың айқасы басталып кеткен кезеңді суреттейді. Дәл сол дүрбелеңде Әлихан Бөкейхан бастаған бір топ зиялылар Алашорда үкіметін құрып, кезінде айрылып қалған мемлекетті қалпына келтіру үшін жүргізген күрестері – туындының негізгі мазмұнына арқау болды. Автор драма шынайы болу үшін оны жазу барысында белгілі әдебиеттанушылармен, тарихшылармен кеңескенін айтады.
"Тәуелсіздіктің 30 жылдығына орай жазылған. Бұл Алаш жайлы, Алаш қайраткерлері жайлы. Әлихан Бөкейхановтың 155 жылдығы, Жақып Ақбаевтың 145 жылдығы, Әлімхан Ермековтің 130 жылдығы негізге алынды. Тарихи образдарды Сәкен Сейфуллин атындағы облыстық академиялық қазақ драма театырының актерлері сомдады. Олардың аузымен азаттық үшін күрескен Алаш зиялыларының қанатты сөздері айтылды. Драма көрерменнің көңіл түпкіріне жетсе керек, олар көз жасына ерік берді. Әсіресе Ұлт көсемі Әлихан Бөкейхан жайлы көлемді еңбектер жазып, оның өмірін зерттеп жүрген Нұрсахан Бейсенбековаға ерекше әсер етіпті. Ол да залдан жылап  шықты", – дейді тарихи драма авторы Қанат Жүнісов.
https://www.youtube.com/watch?time_continue=42&v=w0AfNJAk-7M&feature=emb_title