Жұмыртқаның бағасы төмендегенін Қазақстанның жұмыртқа өндірушілер қауымдастығы мәлімдеді. Бұл жайында Петропавловск.news хабарлады.
10 желтоқсаннан бастап республиканың барлық құс фабрикасында жұмыртқаның көтерме бағасы төмендейді.Соған қарамастан кейбір сауда-саттық орындарда бұрынғы баға сақталып тұруы да мүмкін. Қауымдастық басшысының айтуынша, оның бәрі мерекеге байланысты жасалып жатқан дүние.- Жұмыртқаның көтерме бағасы 37 теңгеден 32-31 теңгеге дейін (16 пайыз) түседі. Бөлшек баға біртіндеп шамамен бір аптадан кейін арзандайды, – дейді Қауымдастық президенті Максим Божко.