Ақтөбе облысында студент Жосалы кентіне “бомба” қойған, – деп хабарлайды Polisia.kz. Полиция мәліметінше,13 желтоқсан күні сағат 01.30-да Қарғалы аудандық полициясының кезекші бөліміне ер адам қоңырау шалып, Жосалы кентіне "бомба қойылғанын" айтқан. Жедел-іздестіру іс-шараларын жүргізу барысында ешқандай жарылғыш зат табылмаған. Кейін полиция инспекторы күдікті ретінде 18 жастағы колледж студентін ұстады. Қазіргі уақытта аталмыш факті бойынша сотқа дейінгі тергеу басталған. Күдікті уақытша ұстау изоляторына қамалған.