Түркістан облысында көлік жүргізушісі жаяу жүргіншіні қағып, оқиға орнынан қашып кеткен. Polisia.kz-тің дерегінше, полицейлер күдіктіні ұстады.
Оқиға Түлкібас ауданы Азаттық ауылында болған.
Навои көшесінде Opel Vectra көлігінің жүргізушісі жасы 50-ге таяған ер адамды қағып, қашып кеткен. Жаяу жүргінші оқиға орнында қаза тапты. Факті Түлкібас АПБ ҚР ҚК-нің 345-бабы және 347-бабы бойынша тіркелді. Мәйітке қатысты сот медициналық сараптама тағайындалды.
Марқұмның Түлкібас ауданының тұрғыны екені анықталды.
Оқиғаның мән-жайын анықтау үшін тергеу жүргізіліп жатыр.
