"Гүлдер" ансамблінің бұрынғы әншісі Амангелді Шыңғысовқа қайырымды жандар ақша жинап, 48 сағат ішінде пәтер алып берді. Бұл туралы Instagram әлеуметтік желісіндегі qazaq_travel парақшасында хабарланды.
"Жұбайы мен қызы дүниеден ерте кетіп, ұлы мен келіні үйінен қуып шыққан атамыз елдің бәрін жылатып еді. Жанашыр халық жиналып, қайырымдылық қордың бастамасымен 48 сағаттың ішінде қамкөңіл қартқа пәтер алып берді және умраға жолдама сыйлады. Ел азаматтарына және атсалысқан баршаңызға алғыс айтамыз! Алла разы болсын!" – делінген хабарламада.