Облыста бекіре аулау, заңмен тыйым салынған жануарларды атуға қатысты браконьерлік қылмыстар әлі күнге тоқтамаған. Желтоқсан айының басынан бері табиғат қорғау полициясы 7 күдіктіні қолға түсіріпті.
Ескертуге қарамастан рұқсатсыз аңшы қаруын алып жүрген, аң және балық аулау қағидаларын өрескел бұзған 80 адамға 5 айлық есептік көрсеткіш мөлшерінде айыппұл салынған. Таяуда Түпқараған ауданында шекарашылармен бірлесе өткен рейд кезінде жерүйде 90 келі бекіре сақтаған ауыл тұрғыны ұсталды. Қазір осы іске байланысты тергеу жүріп жатыр екен.
– Теңізден бекіре аулап, үйінде салып жатқан жерінен ұсталды. Қалған қылмыстық істер бойынша Жаңаөзен қаласында, Қарақия ауданында учаскелік инспекторлар тексереді. Сол кезде үйлерден тіркелмеген аңшылық қарулар табылған. Оларды қылмысқа тіркейді, – дейді Полиция департаменті табиғат қорғау полиция бөлімінің аға инспекторы Абзал Яхиев.
