Атырауда ер адамдар жазасын өтеп жатқан абақтыға дрон арқылы телефон өткізбек болды, – деп жазады Polisia.kz.
Атырау облысы бойынша ҚАЖД УГ-157/9 мекемесінің қызметкерлері 22 желтоқсан күні сағат шамамен 19:00-де аспанда дронның ұшып жүргенін байқаған. Қызметкерлер дронның жерге төмендеуін аңдып тұрып, құрылғыны қолға түсірді.
Дронға байланған телефонды алды. Ұялы телефонмен бірге 2 дана USB де тергеу органдарына жолданды.
Бұған дейін Атырау облысы әкімінің орынбасары Бақытгүл Хаменова уақытша ұстау изоляторына қайта қамауға алынғаны туралы жазған болатынбыз.
