Астанада екі мыңға жуық адам тәулік бойы тоқтаусыз қар күреп жатыр
Астанада екі мыңға жуық адам тәулік бойы тоқтаусыз қар күреп жатыр
Фото: astana.gov.kz

Елорданың коммуналдық қызметтері күшейтілген режимде тәулік бойы жұмыс істеуде. Қысқы кезең басталғалы қаладан 1,3 млн текше метрден астам қар шығарылды, бұл шамамен 98 мың жүк көлігіне тең, – деп хабарлайды Нұр-Сұлтан әкімдігінің ресми сайты.

Бүгін, 29 желтоқсанда елордада қар жинау жұмысына мыңнан астам арнайы техника мен екі мыңға жуық жол жұмысшы жұмылдырылды. Айта кету керек, 28 желтоқсаннан 29 желтоқсанға қараған түні қаладан 7 мың текше метрден астам қар шығарылды, ол үшін жүк көліктері қар полигондарына 572 рейс жасады.   [caption id="attachment_177595" align="aligncenter" width="1200"] width= Фото: astana.gov.kz[/caption] Қыс мезгілі басталғалы 1,3 млн текше метрден астам қар шығарылды. Қаланың коммуналдық қызметтері кешкі және түнгі уақытта күшейтілген режимде тәулік бойы жұмыс істейді.

Ереже бойынша, кептеліс болмауы үшін, алдымен қозғалысы өте қарқынды учаскелер тазартылады. Сондай-ақ алаңдар, вокзал маңындағы аумақтар, тротуарлар, әлеуметтік нысандарға кіретін жолдың  қары күреледі.