Алматы облысында жол апатынан үш жасөспірім қаза тапты
Алматы облысында жол апатынан үш жасөспірім қаза тапты
©egemen.kz

Алматы облыстық ПД баспасөз қызметінің хабарлауынша, Панфилов ауданындағы Әулиеағаш ауылының тас жолында Nissan Cefiro көлігі аударылған.

«Көлікті Көктал ауылының 15 жастағы тұрғыны басқарған. Оқиға орнында жүргізуші мен 14-15 жастағы екі жолаушы қаза тапты. Тағы екі жасөспірім түрлі жарақаттармен орталықтағы аудандық ауруханаға жатқызылды» делінген хабарламада.
Жол көлік оқиғасы бойынша ҚР ҚК 345-бабының 4-бөлігі және көлікті басқаруға жол берген үшін көлік иесіне де қатысты ҚР ҚК 349-бабының 4-бөлігі бойынша қылмыстық іс қозғалды. Бірқатар тиісті сараптамалар тағайындалды, тергеу амалдары жүргізіліп жатыр.