Алматыда түнде 130-дан астам полицей жапа шегіп, төртеуі жансақтау бөлімінде жатыр
Алматыда кешегі наразылық шеруінің соңы қақтығысқа ұласып, 190 адам жапа шекті.
Алматы қаласы Қоғамдық денсаулық басқармасының мәліметінше, 40 адам ауруханада жатыр.
Дәрігерлерден 190 адам көмек сұраған. Оның 150-ін жедел жәрдем әкелсе, 40-ы өзі барған.
«40 адам ауруханаға жатқызылды. Зардап шеккен 7 адам жансақтау бөлімінде жатыр. Оның төртеуі – полицейлер. Жапа шеккендердің ішінде 137 полиция қызметкері және 53 қала тұрғыны бар» делінген департамент хабарламасында.
Түнде Президент пәрменімен Алматы қаласында төтенше жағдай режимі енгізілді.