Лаңкестердің қолынан қаза тапқан жауынгерлердің есімдері белгілі болып жатыр. Олардың ең жасы небәрі 19-да, үлкені 46 жаста. Ал нақты қанша сарбаз көз жұмғанын ІІМ қазір нақтылап жатыр, – деп хабарлайды Qazaqstan арнасы.
Қақтығыста қаза тапқан полиция қызметкері мен әскерилердің отбасы мен жақындарына қайғырып көңіл айтамыз.
Өз міндетін адал атқарғандар:
Тараздық полиция қызметкері капитан Сланбеков Рахат Нұрбайұлы;
Алматы қаласының полиция старшинасы Қамбетов Ринат Талғатұлы;
Алматы полиция бөлімінің аға сержанты Асылханов Әлен Мұхитұлы;
Прапорщик Ержанов Ербол Тілеубекұлы;
Жамбыл облыстық полициясының кіші сержанты Алмасов Нұрболсын Ғаниұлы.
Бұған дейін Ұлттық ұланның екі жауынгері ереуіл кезінде мерт болғанын жазған болатынбыз. Олар – қатардағы жауынгерлер Қайсаров Мадияр Оразалыұлы және Аманов Айбат Ерболұлы.
