Алматыда анасымен бірге дүкенге шыққан бала көз жұмды
Алматыда анасымен бірге дүкенге шыққан бала көз жұмды
© tengrinews.kz

Алматы қалалық полиция департаменті тәртіпсіздік кезінде 12 жастағы ұл бала қалай көз жұмғанын айтып берді. 

Баланың анасы полицейлерге 5 қаңтарда 23.00-де ұлымен бірге нан алу үшін далаға шыққанын хабарлаған.
"Олар Өтеген батыр көшесі бойындағы Әуезов ауданында болып жатқан тәртіпсіздікке тап болған. Балаға атылған оқ тиген", – деп хабарлады полиция өкілдері.
Сондай-ақ 4 жасар қыздың қалай көз жұмғаны белгілі болды.
"Ер адам үш баласымен қалаға көлікпен кірген кезде оқтың астында қалған. Екі бала жансақтау бөлімінде жатыр, өкінішке қарай 4 жасар қыз бала көз жұмды ", – деп хабарлады ПД.
Қазір тергеушілер балалардың өліміне қатысты жан-жақты тергеу жүргізіп жатыр, сотқа дейінгі тергеу жүргізілуде.