Алматы облысы Полиция департаментінің басшысы Серік Күдебаев бүгіннен бастап өңірдегі коменданттық сағат уақыты өзгеретінін айтты.
Облыстағы жағдайдың жақсаруына байланысты, бүгіннен яғни 12 қаңтар сағат 20:00-ден бастап азаматтардың қозғалысына қойылған шектеулер алынады. Бірақ төтенше жағдай режиміндегі Мемлекет басшысының жарлығымен бекітілген коменданттық сағат 23:00-ден таңғы сағат 07:00-ге дейін шектеулер сақталады. Осыған орай барлық тұрғындардан қала және облыс аумағында жүру кезінде жеке куәлігіңізді алып жүруді және төтенше жағдай талаптарын қатаң сақтауды сұраймын. Мүмкіндігінше үйден шықпауға шақырамыз", – дейді Серік Күдебаев.
